Santiago García Granda, Rector de la Universidá d’Uviéu, y Inaciu Galán, presidente d’Iniciativa pol Asturianu,  van facer l’apertura esti vienres del II Seminariu “Oficialidá, el camín constitucional de futuru pal asturianu” qu’entama Iniciativa pol Asturianu esti vienres 17 de mayu y el sábadu 18 de mayu nel Edificiu Históricu de la Universidá d’Uviéu.

El II Seminariu que va inaugurar Santiago García Granda, rector de la Universidá d’Uviéu, tien programaes pa la xornada del vienres dos meses redondes. La primera d’elles con representantes políticos de tolos partíos que cuntaron con responsabilidaes de gobiernu.

 

Dempués sedrá l’estrenu del documental “El valor económicu d’una llingua”, a mou de presentación de la mesa redonda con empresarios qu’usen l’asturianu.

La xornada acabará cola ponencia de Leopoldo Tolivar Alas baxo’l títulu “L’asturianu nel marcu constitucional: ¿Por qué fai falta la oficialidá?”

 

La xornada del sábadu 18 de mayu nel Edificiu Históricu de la Universidá d’Uviéu va entamar a les 10 de la mañana con una mesa sobre’l llabor de los servicios de normalización llingüística onde participarán les persones responsables d’estos servicios en Avilés, L.lena, Cangas del Narcea, Ozcos-Eo y Corvera.

Darréu daráse pasu a la mesa “El sistema educativu y la oficialidá: funcionariáu y ciudadanía” onde participen CCOO, FETE-UXT, SUATEA y CSI.

A les 12h será’l turnu de los medios de comunicación, con representantes de medios escritos, radio y tv falando del papel d’éstos na oficialidá viniente.

A les 12.45h, l’ex Conseyeru d’Educación y Cultura de Galicia, y ponente del Estatutu d’Autonomía gallegu, Victor Manuel Vázquez Portomeñe, del Partido Popular, falará na so ponencia de “El desarrollu de la oficialidá en Galicia, un modelu p’Asturies”

Categories: Mecigayu