L’Academia del Cine Asturiano presenta «Filmes de cuarentena», una escoyeta de películes del #CineAsturiano pa estos díes d’aislamientu nes cases.

Les películes van poder vese dende la web de l’Academia (www.academiadelcineasturiano.com).

Filmes de cuarentena surde arriendes de la situación d’alerta sanitaria decretada pola evolución del coronavirus #Covid-19 y en sofitu de la campaña de responsabilidá #QuedaEnCasa #QuédateEnCasa #QuedaEnTuCasa.

Ente los títulos presentaos podemos alcontrar trabayos de Fernando Lorenzana, Ángeles Muñiz Cachón, Eva Gallego, Alfonso S. Suárez, Pablo Casanueva, Teresa Marcos Melania Fraga, Pablo A. Quiroga Prendes, Sergio G. Sánchez, Alex Zapíco, Sofía Castañón o Aure Roces ente otros.

La llista de filmes, que va dir ampliándose mientres el tiempu que dure la situación, ye  , amás d’una opción d’entretenimientu, una ocasión pa conocer les producciones asturianes.

Categories: Cine