Los díes 28, 29 de febreru y 1 de marzu l’Academia del Cine Asturiano va tar presente en  Valencia pa participar nel tercer alcuentru añal d’Academies de Cine d’España y Portugal.

Dempués de roblase l’alcuerdu de collaboración ente Academies nel Alcuentru del añu pasáu, en Zaragoza, l’Academia  del Cine Asturiano participa nesti alcuentru onde se van tratar ente otros asuntos el papel de les Academies, más allá de los premios, la importancia na producción cinematográfica de les nueves plataformes, series, webseries y videoxuegos, o los caminos qu’abren les nueves tecnoloxíes audiovisuales.




A esti alcuentru, entamáu nesta ocasión pola Academia Valenciana del Audiovisual, van representar a l’Academia del Cine Asturiano’l so presidente D. Gonzalo Mañana y la productora Graciela Mier.

Ta previstu que, amás de l’Asturiana, participen l’Academia Portuguesa de Cinema , Academia del Cine Aragonés, Asociación d’Escritores y Escritores Cinematográficos d’Andalucía (ASECAN), Acadèmia  de Cinema Català , Fundación Aula de Cine, Colección Josep Maria Queraltó y l’Acadèmia Valenciana de l’Audiovisual.




 

Categories: Cine