El domingu 13 d’ochobre va celebrase el VII Día de la Reciella nel pueblu d’Asturies, pero…¿Qué ye’l Día de la Reciella?

Ye una iniciativa que bien celebrándose dende l’añu 2013 organizada pola asociación cultural Reciella, una asociación de families mui diverses que tienen como oxetivu común la tresmisión del asturianu ente xeneraciones.

Nesta xornada familiar d’ociu, abierta a tol mundo que quiera pasar pel Muséu del Pueblu d’Asturies, la llingua vehicular de les actividades ye l’asturianu.

¿Por qué ye tan importante esa tresmisión interxenetacional?

Por responsabilidá cola diversidá llingüística y cultural d’Asturies y de la humanidá, poles ventaxes pedagóxiques y de deprendizaxe d’otres llingües que tien saber asturianu y castellanu…

Amás d’esti Día de la Reciella, ¿Qué otres actividades teneis programaes nel añu?

Hai actividades pal ociu familiar durante tol añu ente les que podemos destacar La Escolina, una iniciativa de deprendizaxe del asturianu n’horariu extraescolar que tenemos n’Uviéu, Xixón y Candás, el festival d’artes escéniques n’asturianu, Escenines…

Programa



Categories: Mecigayu