Del 26 d’abril al 9 de mayu les actividaes de la 40.ª edición de la Selmana de les Lletres Asturianes entamaes pol Gobiernu d’Asturies van tar dedicaes a la música n’asturianu y gallego-asturianu col lema “40 años al son de la nuestra música”. Con éstes, la Conseyería d’Educación y Cultura quier homenaxear la música como elementu fundamental d’espardimientu de la llingua.

Ente les novedades d’esta edición, tenemos que va celebrase per primer vgada’l  premiu musical escolar “El Mio Cantar”, cola actuación en directo de grupos que punxeron música a les canciones de los escolinos y escolines ganadores del concursu.

En total son más d’una ventena d’actividaes nel programa diseñáu pa la ocasión: talleres, gales musicales, conciertos, presentaciones de llibros, llectures públiques, certámenes lliterarios, Feria del Llibru y Discu, alcuentros escolares, entregues de premios, conciertos, representaciones teatrales…

Vienres 26 d’abril

10.00 HORES. CARREÑO. ESCUELA DE LLORGOZANA. Alba de les lletres asturianes / El taller d’Antón de Marirreguera.
20.00 HORES. LLANGRÉU. TEATRU NUEVU DE LA FELGUERA. Gala d’entrega del XI Premiu al Meyor Cantar. Cola actuación de los finalistes: Banda de Gaitas El Trasno, Lafu y Rebeca, Los Berrones y Xaime Martínez, amás del conciertu de Luis Núñez y los Folganzanes, grupu ganador de la última edición.


Sábadu 27 d’abril

20.00 HORES. RIBESEYA. CARPA INSTALADA NA PLAZA NUEVA. Conciertu de Corquiéu.

Llunes 29 d’abril

18.00 HORES. SIERO. TEATRU AUDITORIU DE LA POLA SIERO. Presentación del CD El Mio Cantar, conciertu colos cantares ganadores del premiu escolar El Mio Cantar. Participen: Corquiéu, Guaja D, Libre, L-R, Skontra y alumnáu ganador. (Entrega del CD conmemorativu al públicu asistente).

Martes 30 d’abril

12.00 HORES. UVIÉU. XUNTA XENERAL DEL PRINCIPÁU D’ASTURIES. Llectura pública institucional de testos n’asturianu y gallegoasturianu.
12.00 HORES. CORVERA. TEATRU EL LLAR. Representación teatral de Hansel y Gretel, d’Higiénico Papel, ganadora del II Premiu Nel Amaro de teatru profesional en llingua asturiana y gallego-asturianu.
19.30 HORES. GRAU. CAPIELLA DE LOS DOLORES. Entrega de diplomes del VI Premiu de Poesía Selmana de les Lletres, p’alumnáu de Primaria y Secundaria del conceyu de Grau. Actuación musical de Toli Morilla. (En collaboración cola Fundación Aula de les Metáfores)

Xueves 2 de mayu

12.00 HORES. UVIÉU. MUSÉU DE BELLES ARTES D’ASTURIES. Presentación del discu conmemorativu 40 años al son de la nuestra música/40 anos al son da nosa música.
18.00 HORES. AVILÉS. TEATRU PALACIO VALDÉS. Gala d’entrega de premios del VI Certame de Teatru Escolar en llingua asturiana/gallego-asturianu. Cola representación de les obres premiaes y la entrega de premios en toles categoríes.

Vienres 3 de mayu Día de les Lletres Asturianes

12.00 HORES. UVIÉU. CP LORENZO NOVO MIER. Actu escolar institucional de celebración de la 40 Selmana de les Lletres Asturianes: Intervención d’autoridaes. Entrega de premios del XXIV Certame de Creación Artística/ Lliteraria, del XVI Certame de Cartelismu y del VIII Certame de Creación Audiovisual. Actuaciones.

Sábadu 4 de mayu



12.00 HORES. UVIÉU. PLAZA DE TRASCORRALES. Inauguración de la VII Feria del Lllibru y Discu n’asturianu. Feria abierta’l 4 y 5 de mayu. Horarios: Sábadu: de 12.00 a 22.00 hores. Domingu: de 11.00 a 19.00 hores.
19.00 HORAS. TAPIA. AUDITORIO DA CASA DA CULTURA. Homenaxe ás nosas lletras. Concerto de Bacotexo.

Domingu 5 de mayu

12.30 HORES. UVIÉU. MUSÉU ARQUEOLÓXICU D’ASTURIES. Conciertu d’ópera n’asturianu. Pedro José González, tenor Juan Salvador Trupia, barítonu Mario Bernardo Fernández, pianista Coru de la Universidá d’Uviéu, dirixíu por Joaquín Valdeón Adaptación de los testos: Carlos Rubiera


Martes 7 de mayu

19.30 HORES. UVIÉU. SALA BORRÓN. Entaína a escribir. Cuartu concursu de microrrellatos improvisaos n’asturianu pa la xente mozo. Miércoles 8 de mayu 11.30 HORES. XIXÓN. TEATRU DE LLABORAL CIUDÁ DE LA CULTURA. Espectáculu De qué color ye’l sol, de Kamante Teatro, p’alumnáu d’Educación Primaria.

Xueves 9 de mayu

12.00 HORES. XIXÓN. TEATRU DE LLABORAL CIUDÁ DE LA CULTURA. Espectáculu Nunca nun se sabe, d’Higiénico Papel, p’alumnáu d’Educación Secundaria

Pues descargar esti programa dende equí

Categories: Mecigayu Música