Silvia Quesada ta de vuelta. Preséntanos un adelantu del que será’l so nuevu trabayu musical qu’asoleyará pa la seronda d’esti añu.

L’adelantu, en forma vidioclí, trainos el tema “La mesma revolución” (lletra d’Alfredo González)y ye una amuesa de la evolución musical que l’artista asturiana paez que va traer consigo pal nuevu album depués de “La pena abierta” (Algamar Producciones, 2014).

Xuega otra vez,
pon les cartes boca arriba.
Sube a esi tren o al siguiente,
qué más da…

Mírate bien,
yes el puntu de partida.
Tienes na piel
un tatuaxe universal.

Cambia´l papel
de princesa
pol de dueña.
Esi cordel que t´aprieta
ye un cordal:
escapa monte arriba.

Mira l´agua correr,
nun necesita ruedes
nin molinos.
Tengo baxo los pies
la mesma revolución que tu.
Nesti mundu al revés
les alfileres prenden
ensin filos.
Ven conmigo a coser
la nuesa revolución.

Vamos dexar la mazana
en carne viva.
Vamos semar
una malva nun erial
Nun yes l´actriz
secundaria na to vida.
Toes somos tu,
esta hestoria ye coral.

Cambia´l papel…
Mira…
Nesti…

Somos les nietes de Rosa Parks,
lo que perdimos foi pa ganar.
Nun tamos a la sombra,
somos el riscar.

Mira…

 


Categories: Cine