La gala de los XXXIV Premios Andrés Solar de la Xunta Pola Defensa de la Llingua Asturiana sirvió como marcu pa reconocer la bona llabor de  D. Santiago García Granda, Ilmu. Rector Magníficu de la Universidá d’Uviéu na normalización del asturianu na máxima institución educativa, investigadora y científica d’Asturies.

Amás, como nes anteriores ediciones, tamién d’apurrió el “premiu malu”, el Madreñazu, qu’esti añu fue pal discursu del odiu y negacionista de Pablo Casado, cabezaleru del Partíu Popular.

Los Premios Andrés Solar algamaron nesti 2018 la XXXIV edición. Nos sos trenta y trés años de trayectoria, los premios tienen una vertiente doble: per un llau, la Xunta premia una entidá o persona que rescamplara pol so llabor en defensa o promoción del asturianu: esti reconocimientu materialízase nel Pegollu. Pero los Premios Andrés Solar tienen tamién una versión negativa, que reconoz a la persona o entidá que rescamplara pol so llabor negativu pa cola llingua asturiana. Esti dudosu honor represéntase con un “Madreñazu”.

El “Madreñazu” nesta edición va pal discursu del odiu y negacionista xenófobu de Pablo Casado, cabezaleru de la organización política PP, que nos últimos tiempos vien faciendo declaraciones desinformaes y malintencionaes sobre l’asturianu. Por too esto, la Xunta pola Defensa de la Llingua Asturiana considéralu bon merecedor del antipremiu.

L’actu contó col pieslle musical del dúu Antón Menchaca.












Categories: Mecigayu