La nueva edición del festival Gijón Sound va celebrase los díes 5, 6 y 7 d’abril de 2019 en Xixón. El festival caltien el so enfotu de tresformar la ciudá al traviés de la cultura y van siguir programando en distintos puntos de la mesma.

“Nesti retu que tenemos per delantre encaramos el futuru dende la collaboración de los distintos entes que formen el texíu social y cultural de la nuesa ciudá diseñando esperiencies emocionantes y sostenibles que nos sirvan como inspiración para desenvolvenos y ver los cambeos como oportunidaes.”

La Casa Azul, Morgan, Rozalén, Dorian Wood, Jacco Gardner’s Somnium, Jungle By Nigth, Los Vinagres, Santero y Los Muchachos, Stone Foundation, Yelle Club Party y Guille Milkyway DJ súmense a los yá conocíos Rufus Wainwright y Rachel Eckroth.

A la yá anunciada presencia de Rufus Wainwright y Rachel Eckroth nel Teatru de la Llaboral el domingu 7 d’abril añaden grandes nomes de la escena nacional y internacional.  Les nueves incorporaciones al cartelu, que nun van ser les postreres, tráennos a La Casa Azul, Morgan (Concierto Mahou Cinco Estrellas), Rozalén, Dorian Wood: Xavela Lux Aeterna, Jacco Gardner’s Somnium, Jungle By Night, Los Vinagres, Santero y Los Muchachos, Stone Foundation, Yelle Club Party y Guille Milkyway DJ.

Avisen dende la organización que nes próximes selmanes dirá completándose esti cartelu con nomes de la escena asturiana  y dalguna otra sorpresa más.

Y dende güei mesmu yá ta abierta la posibilidá de mercar les entrades pa los conciertos sueltos.  Tola información estra tan a web del festival: gijonsoundfestival.com,


Categories: Música