Dempués d’un primer adelantu en forma de videu-lletra del tema que da nome (Afluentes) al sestu álbum, Alfredo González tráinos agora “Pentotal”.

El filme musical “Pentotal” ye un trabayu visual fechu polos cineastes Pablo A. Quiroga Prendes y Pablo Casanueva na dirección, Juan Tizón a la fotografía, Andrea G. Trabanco al maquillaxe y la productora Sr.  Paraguas al equipu y pospro.

Rodáu esti mesmu mes nel local qu’Envista Cultura Visual tien n’El Llano (Xixón), ye una nueva pista que va dando forma a la concepción del discu nuevu.

 

Alfredo González va sacar al mercáu’l próximu 15 de febreru’l so sestu trabayu discográficu dempués d’un acuto musical de cuatro años qu’aprovechó para sacar el poemariu “Hijas ilegítimas” (BandaAparte, 2016). Afluentes, como asina se va llamar l’álbum tien detrás el trabayu de producción de Pachi García y va ser editáu y distribuyíu por Warner Music.

Esti tema que se presenta agora, Pentotal, como diz el mesmu autor parte d’una melodía de pianu bien marcada qu’acaba tresformándose nun llimpiu y sinceru cantar indie.

“Nun me faigas lluz de gas pa meteme n’otra guerra. Tengo abiertu’l Pentotal pa cuando pierdas”

La lletra dio munches vueltes, d’un llau pal otru nel trayectu hasta llegar a espeyar el malestar vital. Devolver munches vegaes sollivia l’ardor d’estómagu.



Categories: Música