L’Hipódromu Municipal de les Mestes se suma a los escenarios de la iniciativa Terraces Mahou que vienen ufiertando música en vivu en delles de les places más representatives d’Avilés y Xixón.

Esta fin de selmana (31 d’agostu y 1 de setiembre) va ser ‘Contrabando Alma’ quien amenice les tardes del vienres y el sábadu (a les 21.30 dambos díes) nel Hipódromu Municipal de Les Mestes, onde se celebra’l Concursu de Saltos Internacional Oficial (CSIO) Xixón 2018.

Contrabando Alma
Contrabando Alma

El grupu de pop y pop flamencu va ser el protagonista d’estos dos nuevos conciertos, pertenecientes al ciclu musical ‘Terraces Mahou’, colos que va faer esfrutar a los asistentes con una propuesta musical basada en versiones de les canciones más actuales.

‘Terrazas Mahou’ ye una nueva iniciativa que la marca de cerveces crea como un plan d’ociu distintu y de baldre para tolos públicos qu’amás va dir acompañáu d’un puestu de Mahou onde podrán consiguise dellos premios.

Categories: Música