El grupu granaín Indianápolis llega a Asturies cola  xira de presentación del so nuevu EP domingo/Polonia. Esti nuevu trabayu discográficu vien a completar el l so primer EP, homónimu , qu’asoleyaron n’avientu de 2017 recibiendo mui bona acoyía ente públicu y crítica.

Si falamos del soníu atoparemos n’Indianápolis una mezcla pop y rock con gotes de shoegaze que faen referencia a les sos naturales  influencies musicales: Los Planetas, Supersubmarina o Apartamentos Acapulco ente munchos otros.

 

Los tres conciertos de presentación n’Asturies van ser nun formatu acústicu especial. Les cites cola música de los granainos entamarán el vienres 27 de xunetu en La Caja de Músicos (Xixón) a les 22:30h, el sábadu 28 van tar en La Trastienda (Lluanco) magar les 21:00 y tornarán pa Xixón a la hora’l vermú n’El Bello Verano a les 13:30 del domingu 29. Tolos trés conciertos son de baldre.

 

Categories: Música