Les persones cineastes interesades van poder presentar los sos trabayos hasta’l 19 de setiembre sacando pa la sección Enfants Terribles que tien como fecha máxima’l 24 d’agostu.

La 56ª edición del Festival Internacional de Cine de Xixón va tener llugar del 16 al 24 de payares, y pa participar nella, el FICX acaba d’abrir el plazu de presentación de películes que van tener qu’axustase a les bases publicaes na web del FICX.

Nesta edición, el Festival va siguir calteniendo una especial atención al cine estatal, calteniendo’l PREMIU A LA MEYOR PELÍCULA ESPAÑOLA y col establecimientu añadíu, dientro de la películes qu’opten a esti gallardón, del PREMIU DCP DELUXE, dambos con vocación tresversal. Esti premiu consiste na masterización DCP del siguiente trabayu del direutor o direutora de la obra ganadora, per parte de la empresa líder del sector a nivel internacional.

Otra de les novedaes más relevantes de la 56ª Edición del FICX ye la creación del PREMIU ARCU ATLÁNTICU AL MEYOR CURTIUMETRAXE, una distinción que va ser decidida pol Xuráu Internacional de la Sección Oficial de Curtiumetraxes, y que va reconocer al que sía, a xuiciu de dichu xuráu, el meyor trabayu que tenga como país de producción y (o) direutor o direutora perteneciente al espaciu xeográficu entendíu dientro del Arcu Atlánticu. Esti premiu otórgase cola collaboración del Festival Arcu Atlánticu y col sofitu de Cultura Xixón.

Les y los cineastes van poder presentar los sos trabayos hasta’l 19 de setiembre sacando pa la sección Enfants Terribles que tien como fecha máxima’l 24 d’agostu.

Amás d’estes novedaes, la 56ª Edición del Festival Internacional de Cine de Xixón va caltener aquelles que yá fueron implementaes en 2017. Ello ye, l’anovada COMPETICIÓN INTERNACIONAL RELLUMES, la recuperación de la denominación ESBILLA para la sección qu’arrexunta les meyores películes del añu vistes n’otros festivales y estrenos especiales, o la inclusión del PREMIU LABORAL CINEMATECA CURTIOS, otorgáu por Laboral Cinemateca, consistente na distribución del curtiumetraxe gallardonáu nos festivales y eventos audiovisuales más destacaos, tantu de la escena nacional como internacional.

Per otra parte, el Festival volverá otorgar una serie de premios tresversales, tales como son el yá mentáu PREMIU A LA MEYOR PELÍCULA ESPAÑOLA, el GRAN PREMIU DEL PÚBLICU o la collaboración con ALMA, el Sindicatu de Guionistes d’España, qu’otorga la so reconocencia al meyor guión de película española.

Asina, con estes novedaes, el Festival Internacional de Cine de Xixón convoca a cineastes nacionales y internacionales a formar parte del eventu añal, atendiendo a los siguientes plazos:

– Pa les obres presentaes a considerancia na sección Enfants Terribles hasta’l 24 d’agostu de 2018.

– Para’l restu de secciones – sacantes el Día D’Asturies – hasta’l 19 de setiembre de 2018.

Categories: Cine