Mimosa Café Lanar entama esta fin de selmana un yarnbombing colectivu dientro del marcu del Muyeres Fest 2018.
El yarnbombing o “guerrilla de ganchiyu” ye un tipu d’espresión artística propia del arte urbano qu’utiliza’l puntu y el crochet para intervenir nel mobiliariu urbanu, tresformándolu de manera efímera, y les más de les veces con una actitú rebelde y provocadora.

El propósitu d’esta aición ye dar visibilidá al trabayu manual colectivu, cola cuenta de recuperar actividaes tradicionalmente asumíes poles muyeres, reivindicando’l procesu más allá del rol de xéneru

Esti sábadu 21 d’abril, na Plaza’l Paragües d’Uviéu, ente les 12 y les 14.30h va tener llugar, nel marcu del Muyeres Fest 2018, esta aición colectiva entamada por Laura Menéndez propietaria y ideóloga del Mimosa Café Llanar de Xixón.

“Mientres delles selmanes, una buena montonera de texedores movilizáronse al traviés de les redes sociales, apurriendo caúna’l so cuadráu de ganchiyu con mensaxes feministes bordaos a mano que llegaron dende toes partes del estáu y parte del estranxeru. Recibiéronse alredor de 1000 cuadraos y aproximao 100 muyeres van venir a texer na cai pa terminar de coser y colgar la instalación”.

“El propósitu d’esta aición ye dar visibilidá al trabayu manual colectivu, cola cuenta de recuperar actividaes tradicionalmente asumíes poles muyeres, reivindicando’l procesu más allá del rol de xéneru. Tratase d’una iniciativa que pretende dar valor y actualizar la técnica al traviés d’un mensaxe subversivu y inconformista, al empar que reforzar los valores de comunidá, comuña y coleutividá ente texedores”.

Categories: Mecigayu Plástica