El ciclu Momentos Alhambra Música, de Cerveces Alhambra, inaugura 2018 cola banda granadina Lori Meyers,que lleguen esti sábadu 10 de febreru a la sala Albéniz de Xixón col so últimu  discu “En la espiral”.

El de los granadinos ye un de los trabayos más esperaos del pop rock estatal recién. Compuestu y grabáu ente Granada, Tarragona, Llondres y México DF, les 13 canciones que lu conformen amuesen la lletricidá y el soníu carauterísticu que caltuvo’l grupu nestos 20 años de carrera musical.

Temes como “Siempre brilla el sol”, “Zona de confort” o “Pierdo el control” yá se convertieron n’auténticos hits que se sumen a la llarga llista d’himnos de la banda. De toos ellos vamos poder esfrutar tantu nel so formatu más llétricu y poderosu como na so versión más íntima y personal, n’acústicu, gracies a esta iniciativa de  Momentos Alhambra Música.

Nos próximos díes vamos ufiertar entrevista col grupu a cuentes de los sos 20 años na escena.

Categories: Música