Escenarios Mahou va traer a Asturies a artistes y bandes nacionales de primer nivel mientres el mes de febreru. Iván Ferreiro, DePedro, Morgan, Rufus T. Firefly, Sidonie, Shinova y Zahara van ser los protagonistes d’esti ciclu de cuatro conciertos que va entamar n’Uviéu’l día 14 y va rematar en Xixón el 24 de febreru.

El conciertu de Zahara colgó’l cartelu de completu a les poques hores d’entamar la venta de billetes y yá tán a la venta en ticketmaster les entraes  pal restu de conciertos d’esti ciclu d’Escenarios Mahou que, col llema “saborguiando’l direutu con Mahou”, van brindar al públicu un momentu únicu. Caún de los conciertos va suponer una esperiencia cercana, ya que los artistes invitaos van actuar n’aforos bien inferiores a los qu’acostumen.

Ente les sorpreses d’Escenarios Mahou alcontramos el “cantar del públicu”. Los asistentes van poder escoyer, por votación, una tema de la llista de cantares del artista que dempués va interpretar en direutu.

Amás, gracies a una promoción de la marca, seis asistentes van tener la posibilidá d’esfrutar en cada conciertu d’un alcuentru col artista.

Con esta iniciativa, la casa de cerveces Mahou reforza’l so apueste pola cultura y l’ociu n’Asturies, convidando a grupos de reconocíu prestixu que tán nun momentu dulce, tanto a nivel musical como de reconocencia de crítica y públicu.

Axenda completa “Escenarios Mahou” n’Asturies esti mes de febreru

  • Miércoles 14 de febreru: ZAHARA. Sala La Salvaje, Uviéu
  • Xueves 15 de febreru: IVÁN FERREIRO Y RUFUS T. FIREFLY. Sala Espaciu Estilo, Uviéu
  • Vienres 23 de febreru: DEPEDRO Y MORGAN. Sala Sir Laurens, Uviéu
  • Sábadu 24 de febreru: SIDONIE Y SHINOVA. Sala Albéniz, Xixón

Categories: Música