La periodista y escritora madrilana va presentar esti xueves 16 de payares la so primer compilación de relatos, publicaos col títulu Eso no me lo dices en la calle, de la mano de la escritora asturiana Sofía Castañón, autora del testu de contraportada qu’acompaña a la obra. La presentación va tener llugar na Cafetería Llibrería La Revoltosa , magar les 20.30h  nesti llugar de referencia en Xixón pa los amantes de la lliteratura.

El llibru foi presentáu na pasada Feria del Llibru de Madrid, va presentase tamién n’otres ciudaes como Toledo y Zaragoza.

Marta diz que ñaz obligada en Madrid anque los sos oríxenes son arevalenses, por eso ye friolenta y tiende a la nieblina. Estudió Periodismu y, anque anguaño exerz, nun sabe ónde guarda’l títulu, nin siquier si llegó a dir recoyelo. Escribe porque fala enforma y nun-y gusta ser pesada, de fechu una de les sos frases preferíes para terminar una conversación -anque esta pudiera dar más de sí- ye: “bonu, te dexo vivir”. Ye alérxica a munches coses, especialmente a los egos y a la incontinencia verbal ensin conteníu. De xemes en cuando canta y musgañea. En Lastura publicó’l so primer llibru, Eso no me lo dices en la calle. Diz que ye de bon conformar pero nun ye verdá, vais atopala ellí onde se tea glayando contra cualesquier  inxusticia.

eso no me lo dices en la calle

Categories: Lliteratura