El documental “El equipo de mi barrio”, dirixíu por Rafa de los Arcos y producíu por Boogaloo Films sobro l’U.C. Ceares gana’l Premiu del Públicu na 55 Edición del Festival Internacional de Cine de Xixón.

El documental, vien xestandose desque en 2013 el productor Bernat Manzano llee na Revista Panenka una pequena columna sobro l’equipu xixonés.

“Va cuatro temporaes, el club taba a piques de morrer víctima de les deldes y la desatención hasta que los socios del club, ensin nenguna esperiencia en xestión deportiva, decidieron tomar les riendes del club de forma asamblearia. Güei l’equipu vive la so edá d’oru, l’ambiente nel barriu de La Cruz ye envidiáu por tolos equipos de la categoría y, magar lo humilde de los sos recursos, cada añu’l club atrai a xugadores de más calidá.”

Sicasí non tou ye diversión y allegría nel U.C.Ceares. Ser l’equipu más humilde de la categoría tamién provoca xuna llucha encarnizada contra los elementos pa caltener el proyectu a flote. Sicasí, el clú, tien daqué que los grandes clubes nun tienen: l’arguyu de saber que l’equipu ye de tolos que formen parte d’él. Una hestoria de supervivencia en tiempos de fútbol astronómicu.

Detrás d’El Equipu del mio Barriu ta’l realizador gallegu Rafa de los Arcos, director de diversos curtiumetraxes y vídeoclips según del documental coproducido ente TVE y Red Bull Dos platos y un micro, 30 años de Hip Hop n’España.

El proyectu foi desenvueltu dende’l primer día pol equipu creativu de Boogaloo Films, xuna productora independiente de Barcelona, responsable de documentales como Un Lloc On Caure Mort o YourLostMemories.

Categories: Cine