El Festival Internacional de Cine de Xixón presenta na 55 edición una programación con 177 títulos, de los que 26 son estrenos mundiales y 4 europeos. Del 17 al 25 de payares, el FICX va enfocar la renovación que vive’l cine español y internacional, ensin escaecer propuestes de grandes maestros. Anguaño, el certame va cuntar cola presencia de prestixosos nomes de la industria cinematográfico como Eugène Green, Valie Export, Constanza Novick, Lisandro Alonso, Paul Vecchiali, John Carroll Lynch, Marc Recha, Caroline Deruas, Arnaud Desplechin, Whit Stillman, presidente del Xuráu Internacional al que’l Festival apurrirá-y el Premiu d’Honor 2017, o Isabel Coixet, Premio Muyer de Cine.

Na 55 edición, el 85% de les películes programaes nes secciones internacionales, tantu competitives como non, son estrenos n’España. Esta cifra amuesa l’interés que tien el FICX n’ufiertar conteníos esclusivos colos que pretende algamar l’atención de la cinefilia nacional ya internacional.

La gran presencia femenina na 55 queda acreditada pol mediu centenar de títulos dirixíos por realizadores programaos, ente ellos la película inaugural El futuro que viene, de Constanza Novick, y la de pieslle, Nadie nos mira, de Julia Solomonoff, amás de los trés focos dedicaos a l’artista VALIE EXPORT y a les direutores Carla Simón y Elisa Cepedal.

En 2017, el públicu del Festival de Xixón/Xixón va tener ocasión d’averase a más de 80 alcuentros colos y les direutores que presenten les sos películes nel certame, casi doblando la cifra de la edición anterior.

Otru de los datos más interesantes qu’anunció na rueda de prensa de presentación el so direutor Alejandro Díaz Castaño ye qu’un 18% de les películes nesti #55FICX son de producción asturiana.

L’artista Rodrigo Cuevas y la periodista Sonia Avellaneda van ser los presentadores de la gala d’inauguración de la 55, que se va celebrar nel Teatru Xovellanos (20:30 h). Nesta gala apurrirase’l Premiu d’Honor a Whit Stillman, y el Premiu de Cinematografía Nacho Martínez a l’actriz Verónica Forqué.

Nesta edición, el FICX vuelve salir de Xixón. Hai Estensiones de la 55 n’Uviéu, Avilés, Cangues d’Onís, Colunga, Llangréu, Siero y Villaviciosa. El públicu va tener la oportunidá de ver catorce películes de la Sección Oficial, Pases Especiales, Rellumes, Enfants, Esbilla y AnimaFICX, amás de la competición de curtios del Día d’Asturies y el programa dedicáu a Elisa Cepedal. Más allá de les nueces fronteres, la programación del FICX va circular peles filmoteques de Cantabria, Valencia y Galicia, y va llegar primero al Centru d’Arte Tabakalera en San Sebastián.

Categories: Cine